कृष्णभक्ति के छन्द (घनाक्षरी कवित्त) :: रविकान्त सनाढ्य, भीलवाड़ा, राजस्थान

 

इन्द्रधनुषी है छटा, मुतियन- माल अटा, 

आज का स्वरूप तो रुचिर मुग्धकारी है ।

गिरिवरधारी, मेरे मुरली- बजैया तुम, 

नील-घन- आभ तेरी श्याम सुखकारी है ।

विहँस के देखो नंदलाल कछू मेरी ओर 

बिरद तुम्हारो तो महान उपकारी है । 

सबद नहीं हैं पास, रूप क्या बयान करूँ,

छवि नित नई , रविक॔त बलिहारी है ।।

अनंद के सिंधु आप, धर्यो वेस केसरी है, 

आपको स्वरूप मेरो हियो हरखावै है , 

सारे ही कलंक -अंक तव छबि पिबत ही, 

भयभीत होइ-होइ बेगि दुरि जावै है ।

तव सरनाई ऐसी प्रेम की प्रतीति देय , 

राजा अरु रंक सभी धन्य हुइ जावै है ।

हरी पिछवाई कहरही है हुलासमय,

मेरे स्याम ठाड़े-ठाड़े मन- मुसकावै है ।।.

ललन लसै है लाल- लाल वेस धारीवालो , 

अनुपम छटा बनी ,सुख को अगाज है । 

सीस पर लाल पाग, छत्र जैसो मोरपंख, 

अद्भुत कान्हा जी को प्यारो- प्यारो ताज है ।

बढ़चढ़ एक से तो एक हैं सिंगार- साज, 

देखो कैसे मनोहर लगैं राजराज हैं।

प्रण- प्रतिपाल हैं ये बड़े ही कृपा के सिन्धु, 

इनके ही हाथ सारे जग की तो लाज है ।।