कृष्णभक्ति के छन्द (घनाक्षरी कवित्त) :: रविकान्त सनाढ्य, भीलवाड़ा, राजस्थान

केसर- बरन वेस धरे हैं श्रीनाथ प्रभु , 

आपकी लुनाई का न आदि है न अंत है ।

चाहते हैं  आपको अबाल-वृद्ध, नर -नारी, 

दरस ते पुलकित संत औ महंत हैं।

आपके अधर हैं अनारकली आरकत, 

कुंदकली जैसे शुभ्र मोती जैसे दंत हैं ।

आपको प्रताप दीप्त होय रह्यो भानु सम , 

कीरति से गूँज रहै, दिग् औ  दिगन्त हैं  ।।

नूतन है परिधान आपके  सु तन आज , 

नये अलबेले इस रूप की बधाई है।

रंग हैं विविध, कला - संगम रुचिर बन्यो, 

तड़क-भड़कयुत बान कीदुहाईहै।

आपको विलास  लीलामय औ रहस्यपूर्ण, 

दुनिया  अवाक् कछु समुझि न पाई है ।

दरसन करें अरु मुग्ध होय रही बस, 

रस की अलीक लीक आपने चलाई है ।।

नभ के सितारों मध्य चाँद भी अनूठा उगा, 

जग है कृतार्थ हुआ, कृष्णचन्द्र बाजै है ।

सर्वगुण युत है औ नीति में धुरंधर  जो,

राजराज योगेश्वर द्वारिका के राजै हैं ।

इनके तो ठाठबाट कहा मैं बयान करूँ, 

 सब सुख- साज याके चरणों में साजै हैं ।

इनको समरपित होइ जावै कोई यदि , 

बीसबिसै कहूँ, प्रभु  रीझते अकाजै हैं  ।।