कृष्णभक्ति के छन्द (घनाक्षरी कवित्त) :: रविकान्त सनाढ्य, भीलवाड़ा, राजस्थान

 

नीले- नीले वसन में आप छविमान प्रभु,

आपकी महानता को मेरा परनाम है l

घर में ही बैठे-बैठे, गुनगान करूँ मैं तो, 

आपकी ये छवि मेरे लिए चारधाम है l

बालपन युहीं बीत्यो,युवानी भी ठहरी ना,

अब तू सुधार मेरे जीवन की शाम है l

तू है दीन-प्रतिपाल, फँस्यो मैं जगत्-जाल,

 मोही तू उबार अब काहे हुओ वाम है ??

गजानन को स्वरूप श्रीजी धरि सोह रहे , 

मौज चढ़ी आपको भी गजब दुहाई है।

करिवर- वदन है, सोभा के सदन आप,

सूंड को घुमाव मोह रह्यो सुखदाई है ।

केसरी है पाग,देखि उपजत अनुराग , 

तिलक की सोभा  भव्य- भाल अधिकाई है ।

कलेवर स्याम अभिराम ओप रह्यो खूब, 

रिधि- सिधि संपदा अकूत बिछलाई है ।।

तड़क-भड़कयुत लहरीलो साँवरो है , 

तेरी चकाचौंध सारै जग को लुभावै है ।

ठग है तू महाचोर, गोपियाँ ठगाय लई, 

तथापि तू प्राणधन उनको कहावै है ।

चुरा ले तू पाप मेरे ,कहीं का न मुझे रख, 

जग तो है दोगलो,  न मुझे कछू भावै है ।

आपुनी सरण लेले, मुझको ऐ प्यारे ठग, 

तेरी ठगोरी ते मेरो मन न अघावै है ।।